Türkiyə və Azərbaycan jurnalistləri arasında qardaşlıq matçı keçiriləcək

Azərbaycanın və Türkiyənin tanınmış jurnalistləri arasında 8 noyabr Zəfər Günü münasibətilə futbol üzrə “Qardaşlıq matçı” adlanan yoldaşlıq görüşü olacaq.

Zeferinfo.az xəbər verir ki, bu barədə tədbirin təşkilatçılarından olan Öndər.Tv-nin baş redaktoru Ramil Əliyev məlumat yayıb.

"Qarşılaşma Azərbaycanın Zəfər Günü və Azərbaycan –Türkiyə qardaşlığının daha da möhkəmlənməsinə həsr olunur. Türkiyənin tanınmış jurnalistləri Azərbaycana 3 günlük səfər gələcəklər. Səfər çərçivəsində bu qarşılaşma baş tutacaq. Yarış oktyabrın 5-də Binəqədi rayonu, 7-ci mikrorayon, Süleyman Sani Axundov küçəsi 27 B ünvanında, “Azfar Group”un stadionunda keçiriləcək. Hər kəs oyunu izləməyə dəvətlidir” - R.Əliyev bildirib.