Türkiyə İsrail-HAMAS müharibəsinin ildönümündə Azərbaycanda bayraqların yarıya endirildiyi barədə xəbərləri saxta adlandırıb

Paylaşılma tarixi: 07 Oktyabr 2025
Turkiye Israil-HAMAS muharibesinin ildonumunde Azerbaycanda bayraqlarin yariya endirildiyi barede xeberleri saxta adlandirib

Bəzi sosial şəbəkə hesablarında 7 oktyabr - İsrail-HAMAS müharibəsinin ildönümü ilə əlaqədar Azərbaycanda bayraqların yarıya endirildiyi barədə paylaşımlar dezinformasiya xarakteri daşıyır.

Zeferinfo.az xəbər verir ki, bu barədə Türkiyə Dezinformasiya ilə Mübarizə Mərkəzi məlumat yayıb.

Bildirilib ki, məqsəd Azərbaycanı Fələstin əleyhdarı kimi göstərmək, ictimai rəyi aldatmaq, Türkiyə–Azərbaycan münasibətlərinə xələl gətirmək və ölkənin nüfuzuna zərər vurmaqdır.

Qeyd olunub ki, bu cür əsassız iddialar Türk-İslam dünyasında həmrəyliyi zəiflətməyə, eyni zamanda, Fələstin xalqına qarşı davam edən soyqırımı kölgələməyə yönəlmiş planlı təbliğatın tərkib hissəsidir: “Rəsmi mənbələrdən təsdiqlənməyən məlumatlara inanılmaması və ictimaiyyətin yalnız etibarlı qurumların açıqlamalarına diqqət yetirməsi vacibdir”.

Türkiyə İsrail-HAMAS müharibəsinin ildönümündə Azərbaycanda bayraqların yarıya endirildiyi barədə xəbərləri saxta adlandırıb