Şəhid Fərzalı Fərzəliyev
Fərzəliyev Fərzalı Əlimövsüm oğlu 11 avqust 2000-ci ildə Ucar rayonunun Alpı kəndində anadan olub. 2007-ci ilin sentyabr ayında Ucar rayonu A.Abdullayev adına Alpı kənd tam orta məktəbin I sinfinə gedib, 2016-cı ildə həmin məktəbin ümumi orta təhsil səviyyəsini (IX sinfi) bitirib.
Ailədə 2 qardaş və 1 bacı olublar. Evin kiçik övladı olan şəhidimiz nişanlı idi.
Məktəbdə oxuduğu müddətdə nizam-intizamlı, etik davranışı və vətənpərvərliyi ilə seçilən şagirdlərdən olub.
2018-ci ilin oktyabr ayında hərbi xidmətə yollanıb. Dövlət Sərhəd Xidmətinin müxtəlif hərbi hissələrində qulluq edib.
7 yanvar 2020-ci il tarixində, saat 14:56 radələrində son xidmət yeri olan Qazax rayonunun Quşçu Ayrım kəndi istiqamətində xidməti vəzifəsini yerinə yetirərkən düşmən snayperindən açılan atəş nəticəsində sərhədçi əsgər Fərzəliyev Fərzalı Əlimövsüm oğlu şəhadətə ucalıb.
Qəhrəmanımız doğulduğu Ucar rayonu, Alpı kəndində 8 yanvar 2020-ci ildə dəfn edilib.
Allah rəhmət eləsin!
Şəhidlərimizin ruhu artıq şaddır. Ona görə ki, Azərbaycan suverenliyini, ərazi bütövlüyünü əldə edib.