Sahil Babayev Elvin Hacıyevə yüksək vəzifə verdi

"Bakı Metropoliteni" QSC-nin Daxili audit departamentin sabiq rəisi Elvin Hacıyevə yeni vəzifə verilib.

Zeferinfo.az xəbər verir ki, maliyyə naziri Sahil Babayevin müaviq əmri ilə Elvin Hacıyev Maliyyə Nazirliyində Audit şöbəsinin müdiri vəzifəsinə təyin edilib.

Nazir bu barədə əmri bir neçə gün əvvəl imzalayıb.

Qeyd edək ki, E.Hacıyev bu ilin aprel ayında "Bakı Metropoliteni" QSC-nin Daxili audit departamentinin rəisi vəzifəsindən azad edilib. Lerik rayonunda anadan olan Elvin Hacıyev Azərbaycan Dövlət İqtisad Universitetinin İqtisadiyyatın hüquqi tənzimlənməsi ixtisasının bakalavr və magistr pillələrini fərqlənmə ilə bitirib. Daha sonra London İqtisadiyyat və Siyasi Elmlər Məktəbində (LSE) Mühasibat uçotu, təşkilatlar və institutlar ixtisası üzrə magistr təhsili alıb.

O, Auditorlar Palatasında müxtəlif vəzifələrdə, İqtisadiyyat Nazirliyində, Hesablama Palatasında və Azərbaycan İnvestisiya Holdinqində çalışıb.