Sabunçuda işgəncəyə məruz qalan uşaq səhiyyə müəssisəsinə yerləşdirilib - RƏSMİ
Qəyyumu tərəfindən zorakılığa məruz qaldığı iddia edilən uşaqla bağlı məlumat daxil olduğu ilk andan Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin əməkdaşları prosesə cəlb edilib.
Bu barədə Zeferinfo.az-ın sorğusuna cavab olaraq Sosial Xidmətlər Agentliyindən məlumat verilib.
"Uşaq aidiyyəti qurumlarla koordinasiyalı şəkildə səhiyyə müəssisəsinə yerləşdirilib. Müayinə və qiymətləndirilmə prosedurları bitdikdən sonra o, Agentliyin müvafiq müəssisəsinə yerləşdiriləcək", - məlumatda bildirilib.
Qeyd edək ki, Sabunçuda yetkinlik yaşına çatmayan uşağın xalası tərəfindən zorakılığa məruz qaldığı haqqında xəbərlər yayılıb. Faktla bağlı Sabunçu Rayon Polis İdarəsinin 13-cü Polis bölməsində təhqiqat araşdırması aparılır: