Rövşən Rüstəmov ABŞ-dan 3 günə bahalı avtomobillər gətizdirib? — ADY-dən AÇIQLAMA

Paylaşılma tarixi: 19 Dekabr 2024

Rovsen Rustemov ABS-dan 3 gune bahali avtomobiller getizdirib? — ADY-den ACIQLAMA

"Azərbaycan Dəmir Yolları" Qapalı Səhmdar Cəmiyyətinin (ADY) sədri Rövşən Rüstəmovun ABŞ-dan Azərbaycana 1 ədəd BMW i7 və 1 ədəd isə “Ford Bronco” model avtomobillər gətizdirdiyi iddia olunur.

Demokrat.az-a daxil olan məlumatda iddia olunur ki, sözügedən avtomobillər kargo təyyarəsi ilə Azərbaycana 3 gün ərzində çatdırılıb.

Məlumatı dəqiqləşdirmək üçün "Azərbaycan Dəmir Yolları" Qapalı Səhmdar Cəmiyyəti ilə əlaqə saxladıq.

Qurumdan informasiya sorğumuza cavab olaraq, sözügedən məlumat təkzib olunub:

"Azərbaycan Dəmir Yolları" Qapalı Səhmdar Cəmiyyəti olaraq belə bir iddianı təkzib edirik. Bu iddianın heç bir əsası yoxdur, qeyd edilənlər heç bir həqiqətə söykənmir”.