Respublika Kliniki Uroloji Xəstəxanasına direktor və baş həkim təyin edilib
TƏBİB-in İcraçı direktoru Vüqar Qurbanovun təqdimatı ilə Akademik Mirməmməd Cavadzadə adına Respublika Klinik Uroloji Xəstəxanasına Pərviz Hacıyev rəhbərlik edəcək.
Bu barədə Zeferinfo.az-a TƏBİB-dən bildirilib.
Tibb müəssisəsinin direktoru vəzifəsini icra edəcək P.Hacıyev ixtisasca uroloqdur və yeni təyinata qədər özəl tibb müəssisələrinin birində həkim-uroloq vəzifəsində çalışıb.
Bundan əlavə tibb müəssisəsinə direktor müavini – baş həkim təyinatı da baş tutub. Xəstəxananın direktor müavini - baş həkim vəzifəsinə Elçin Mustafayev təyin olunub.
Bu gün Vüqar Qurbanov yeni direktor və baş həkimi kollektivə təqdim edib, müvafiq tapşırıq və tövsiyələrini verib.
Qeyd edək ki, tibb üzrə fəlsəfə doktoru Fariz Babayev öz ərizəsi əsasında Respublika Klinik Uroloji Xəstəxanasının direktoru vəzifəsindən azad olunub.