Xüsusi Təyinatlıların qaziləri, Şəhid ailələri və veteranları ictimai birliyinin Gəncə filialının sədri Nemət Abdullayev və birliyin üzüvləri Göygöl rayonunda yaşayan Şəhid Hüseynov Elbrus Nadir oğlunun qızı Dərya Hüseynovanı yaşadıqları evdə ziyarət ediblər. Təşkilatın üzvləri şəhidimizin qızı Dərya və ailə üzüvləri ilə birlikdə Şəhidlər Xiyabanını ziyarət ediblər. Daha sonra Dəryanın oxuduğu məktəbdə olublar. Məlumat üçün bildiririk ki, Dərya Hüseynova taekvondo idman növü üzrə azyaşlılar arasında Avropa çempionu olub.
Bu münasibətlə Xüsusi Təyinatlıların qaziləri, Şəhid ailələri və veteranları ictimai birliyinin Gəncə filialının sədri Nemət Abdullayev Dərya Hüseynovanı fəxri fərmanla təltif edib. Bu görüş məktəb müəllimləri və şagirdlər arasında böyük rəğbətlə qarşılanıb.Dəryanın Babası və müəllimləri diqqət üçün öz minnətdarlığlarını bildiriblər.
