Mərkəzi Banka yeni müşavir təyin edilib

Zeferinfo.az  xəbər verir ki, bu vəzifə Bəhruz Balayevə həvalə edilib.

1983-cü ildə Lənkəran şəhərində anadan olmuşdur. Azərbaycanlıdır. Ali təhsillidir.

2005-ci ildə Azərbaycan Respublikasının Prezidenti yanında Dövlət İdarəçilik Akademiyasını “Politologiya” ixtisası üzrə bakalavr, 2006-cı ildə isə Amerika Birləşmiş Ştatlarında St. Tomas Universitetini “Hüquq” ixtisası üzrə magistr, 2012-ci ildə isə həmin universitetdə Hüquq Elmləri Doktoru (JSD) alimlik dərəcəsini almışdır. 2013-cü ildə Azərbaycan gənclərinin xarici ölkələrdə təhsili üzrə Dövlət Proqramı çərçivəsində Harvard Universitetinə daxil olmuş, 2014-cü ildə oranı “Dövlət İdarəçiliyi” ixtisası üzrə magistr dərəcəsilə bitirmişdir. 2014-cü ildə Azərbaycan Respublikasının Prezidenti yanında Ali Attestasiya komissiyasının qərarı ilə Hüquq üzrə Fəlsəfə Doktoru elmi dərəcəsi verilmişdir.

Əmək fəaliyyətinə 2002-ci ildə Bakı şəhərində “Hyatt Hotels”də başlamışdır. 2007-2012-ci illərdə Nyu-Yorkda “Hilton Hotels”də Əməliyyatlar direktoru vəzifəsində, 2012-2013-cü illərdə NyuYorkda “Oxfam Internatıonal”ın Birləşmiş Millətlər Təşkilatının Təhlükəsizlik Şurasında müdafiəçisi, 2014-2022-ci illərdə Qətərdə və İngiltərədə Beynəlxalq İdman Təhlükəsizliyi Mərkəzində İnnovasiya və İrs direktoru, Qlobal Əlaqələr Departamentinin rəhbəri vəzifələrində çalışmışdır. 2022-2023-cü illərdə Nyu-Yorkda Birləşmiş Millətlər Təşkilatının Qaçqınlar üzrə Ali Komissarlığında Xarici əlaqələr şöbəsinin ABŞ İdman Strategiyasına rəhbərlik etmişdir.

Mərkəzi Bankda fəaliyyətə 2024-ci ilin iyul ayının 1-dən Sədrin ofisi departamentində məsləhətçi vəzifəsi ilə başlamışdır. 2025-ci ilin avqust ayının 1-dən etibarən Mərkəzi Bankın sədrinin müşaviri vəzifəsinə təyin edilmişdir.

Ailəlidir, iki övladı var.