Masallı  şəhərində “Mədəniyyət dalğasında olanlar” layihəsi baş tutdu-FOTOLAR

Martın 15-də Masallı  şəhərində yerləşən “Biznes Center”də Azərbaycan Respublikasının Mədəniyyət Nazirliyi qeyri-hökumət təşkilatları üçün mədəni və yaradıcı sənayelərin təşviqi üzrə elan etdiyi qrant müsabiqəsinin qalib layihəsi “Mədəniyyət dalğasında olanlar” baş tutdu. Layihə “Mədəniyyət dalğası ” İB tərəfindən təqdim olundu. Tədbiri giriş sözü ilə açan  Azərbaycan incəsənətinin və mədəniyyətinin təbliğində uzun illər xidmət göstərən, bir necə mədəni layihələrin təlimcisi və musiqili layihələrin tərcüməci-redaktoru olan Sitarə İsmayıl gənclərə öz tövsiyyələrini verərək onların daha yaxşı təhsil almalarını və ölkəmizin musiqisinin və mədəniyyətinin təbliğ edilməsi üçün çalışmalarının vacib olduğunu qeyd etdi. Sitarə İsmayıl Azərbaycan gəncliyi üzərində böyük bir məsuliyyətin olduğunu qeyd edərək bildirdi ki, gənclərimiz daha çox öz üzərlərində işləməlidir. Daha sonra çıxış edən   Azərbaycan Dövlət Akademik Filarmoniyasının solisti, Ümumiittifaq və Beynəlxalq müsabiqələr laureatı, tanınmış müğənni  Nurlan Əzizbəyli bildirdi ki, müasir gənclərimiz bu günkü reallıqlardan istifadə etməlidirlər. Nurlan Əzizbəyli qeyd etdi ki,  bu gün gənclərimiz üçün geniş imkanlar var və gənclərimiz bu imkanlardan maksimum istifadə etməlidirlər.  Tədbir zamanı gənclərin daxili və xarici motivasiya elementləri, yaradıcı davranışları, sənətdə uğur qazanmağın yolları  üzrə müzakirələr aparıldı.