Hikmət Hacıyev və Armen Qriqoryan Dohada görüşəcəklər

Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev və Ermənistan Təhlükəsizlik Şurasının katibi Armen Qriqoryan dekabrın 5-də Dohada görüşəcəklər.

Zeferinfo.az xəbər verir ki, bu barədə Ermənistan Təhlükəsizlik Şurası məlumat yayıb.

Bildirilib ki, A. Qriqoryan "Doha Forumu" çərçivəsində təşkil olunacaq "Ermənistan-Azərbaycan davamlı sülh: Vaşinqton razılaşması və birgə gələcək" mövzusunda panel müzakirəsində Hikmət Hacıyev ilə birlikdə iştirak edəcək.