Hikmət Hacıyev ABŞ-da keçirdiyi görüşlərdə 907-ci düzəlişin ləğv edilməsinin vacibliyini bildirib

Paylaşılma tarixi: 10 Sentyabr 2025
Hikmet Haciyev ABS-da kecirdiyi goruslerde 907-ci duzelisin legv edilmesinin vacibliyini bildirib
Azərbaycan Respublikası Prezidentinin köməkçisi - Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev ABŞ-da senator Stiv Deyns və Nümayəndələr Palatasının Xarici İşlər Komitəsinin sədri, konqresmen Brayan Mast ilə görüşüb.

Zeferinfo.az xəbər verir ki, bu barədə Azərbaycanın ABŞ-dakı səfirliyi məlumat yayıb.

Məlumatda bildirilib ki, tərəflər Prezident İlham Əliyev ilə ABŞ Prezidenti Donald Tramp arasında avqustun 8-də Vaşinqtonda keçirilmiş sammitin strateji əhəmiyyətini və onun Azərbaycan–ABŞ münasibətləri, həmçinin regional sülh üçün müsbət nəticələrini vurğulayıblar.

Hikmət Hacıyev 907-ci düzəlişin ləğv edilməsinin vacibliyini qeyd edib və Azərbaycana səfər üçün dəvət ünvanlayıb.