Ənənə: Səfir təhsil aldığı məktəbə gəldi – FOTOLAR

Noyabrın 25-i Bakı şəhəri, Yasamal rayonu 53 nömrəli tam orta məktəbin 1994-cü il məzunu, Azərbaycan Respublikasının Meksika Birləşmiş Ştatlarında, həmçinin iqamətgahı Mexiko şəhərində olmaqla Kolumbiya, Peru, Qvatemala, Kosta Rika, Panama və Hondurasda fövqəladə və salahiyyətli Səfiri Məmməd Talıbovla VIII-XI sinif şagirdlərinin görüşü keçirilib.
İlk olaraq çıxış edən məktəbin direktoru Tünzalə Zeynalova şagirdlərə Məmməd Talıbov haqqında məlumat verib və cənab səfirin gərgin qrafikinə baxmayaraq doğma məktəbində şagirdlərlə görüşə vaxt ayırdığı üçün təşəkkürünü bildirib.

Görüşdə çıxış edən Məmməd Talıbov keçdiyi həyat yolundan, təcrübəsindən , məktəb illərinin yadda qalan xatirələrindən ,uğurun sirri, hədəfə doğru getdiyin yolda məqsədindən dönməmək kimi əhəmiyyətli tövsiyələr və mesajlar verib.

Daha sonra şagirdlərin qonağa ünvanladıqları suallara əhatəli şəkildə cavablandıraraq dəyərli məsləhətlərini verib.

Görüşdən hər kəs xoş təəssüratlarla ayrılıb.

Sonda xatirə şəkli çəkilib.