Dövlət Gömrük Komitəsi yanında İctimai Şuranın üzvləri ilə görüş keçirilib

Dövlət Gömrük Komitəsi yanında İctimai Şuranın üzvləri ilə görüş keçirilib. 

Dekabrın 16-da Dövlət Gömrük Komitəsi yanında İctimai Şuranın üzvləri ilə görüş keçirilib.

Görüşdə İctimai Şuranın iki illik fəaliyyəti ilə bağlı fikir mübadiləsi aparılıb, gömrük sistemində ictimai nəzarətin gücləndirilməsi, şəffaflığın, vətəndaş və sahibkar məmnuniyyətinin təmin edilməsində ictimai iştirakçılığın əhəmiyyəti vurğulanıb.

Komitə rəhbərliyi tərəfindən cəmiyyətin müxtəlif təbəqələri ilə işgüzar, səmərəli münasibətlərin qurulmasında İctimai Şuranın fəaliyyəti müsbət qiymətləndirilib.

Sonda Dövlət Gömrük Komitəsi yanında İctimai Şuranın iki illik fəaliyyətinə həsr olunan qısa videoçarx nümayiş etdirilib.

DGK Mətbuat və İctimaiyyətlə Əlaqələr İdarəsi.