DİM tələbə adını qazanan abituriyentlərə müraciət etdi

Paylaşılma tarixi: 04 Sentyabr 2025
DIM telebe adini qazanan abituriyentlere muraciet etdi
Ali təhsil müəssisələrinin boş qalan (vakant) yerlərinə qəbul olan abituriyentlər (subbakalavrlar) 9 – 15 sentyabr (saat 18:00-dək), orta ixtisas təhsili müəssisələrinə qəbul olan abituriyentlər isə 9 – 17 sentyabr (saat 18:00-dək) 2025‑ci il tarixlərində portal.edu.az platformasında qeydiyyatdan keçməli və yaradılmış kabinetə daxil olduqdan sonra təqdim edilən xidmətlər sırasında “Ali və orta ixtisas təhsili müəssisələrinə təhsilalan qeydiyyatı” xidmətini seçməlidirlər.

Bu barədə Zeferinfo.az-ın sorğusuna cavab olaraq Dövlət İmtahan Mərkəzindən məlumat verilib.

Bildirilib ki, müəyyən olunmuş müddətdə qeydiyyatdan keçməmək abituriyentin müvafiq ixtisasa yerləşdirilmədən imtina etməsi kimi qiymətləndiriləcək və onun qəbul haqqında əmri təhsil müəssisəsinə göndərilməyəcəkdir.

Xatırladaq ki, ali təhsil müəssisələrinə qəbulda əsas yerləşdirilmədən sonra qəbul olan abituriyentlər sentyabrın 8-dək (8-də daxil olmaqla) qeydiyyatdan keçməlidirlər.