Azərbaycanda bu institut ləğv olundu

Azərbaycan Milli Elmlər Akademiyasının (AMEA) Qafqazşünaslıq İnstitutunun ləğvi barədə qərar qəbul edilib.

Zeferinfo.az Modern.az-a istinadla xəbər verir ki, müvafiq qərar bir neçə gün əvvəl AMEA-nın Rəyasət Heyətində təsdiqlənib.

Cəmi 18 nəfər elmi işçidən ibarət olan Qafqazşünaslıq İnstitutunun saxlanılmasını məqsədəmüvafiq hesab olunmayıb və onun fəaliyyətinə xitam verilib..

Xatırladaq ki, Qafqazşünaslıq İnstitutu 2015-ci ildə yaradılmışdı. Onun ilk direktoru Milli Məclisin deputatı, professor Musa Qasımlı olub. Qafqazşünaslıq İnstitutunun sonuncu rəhbəri siyasi elmlər doktoru Ramilə Dadaşova idi.