Azərbaycan hərbçiləri Qarsda “Qış təlimi - 2025” beynəlxalq təlimində iştirak edirlər
Türkiyə Respublikasının Qars şəhərində keçirilən beynəlxalq “Qış təlimi - 2025”də iştirak edən hərbi qulluqçularımız yüksək peşəkarlıq nümayiş etdirirlər.
Zeferinfo.az xəbər verir ki, bu barədə Azərbaycan Müdafiə Nazirliyindən bildirilib.
Təlimin ssenarisinə uyğun olaraq, artilleriya qurğuları, zirehli texnika, döyüş təyyarələri və helikopterlərdən qeyri-qanuni silahlı birləşmələrin sığınacaqları, texnikası və canlı qüvvəsinin məhv edilməsi üzrə tapşırıqlar yerinə yetirilib.
Həmçinin çətin hava şəraitində təyyarələrdən endirilən taktiki hava desantı qrupları dağlıq ərazidə döyüş tətbiqi üzrə tapşırıqları icra ediblər.
Çoxmillətli “Qış təlimi - 2025”də bölmələrimiz ölkəmizi layiqincə təmsil edirlər.